රුසියානු භූමියෙන් වර්ග කිලෝමීටර් 1,000 ක් යුක්රේන පාලනයට
යුක්රේනයේ
ඉහළම අණදෙන නිලධාරියා පවසා ඇත්තේ වසර දෙකහමාරක් පුරා පැවති පූර්න පරිමානයේ
යුද්ධයේ දී ඔවුන්ගේ විශාලතම දේශසීමා ආක්‍රමණයට ලක්වන විට කිව්හි හමුදා
රුසියානු භූමියෙන් වර්ග කිලෝමීටර් 1,000 ක් පාලනය කරන බවයි.
කමාන්ඩර් ඔලෙක්සැන්ඩර් සිරස්කි පැවසුවේ එය ආරම්භ වී දින හතකට පසුවත් “කර්ස්ක් කලාපයේ ප්‍රහාරාත්මක මෙහෙයුමක් යුක්රේනය විසින් දිගටම කරගෙන ගිය බවයි.
යුක්රේනයේ ජනාධිපති සෙලන්ස්කි පැවසුවේ රුසියාව අන් අයට යුද්ධය ගෙන ආ බවත් දැන් එය නැවත රුසියාවට පැමිණෙන බවත්ය.
එහෙත්
රුසියානු නායක ව්ලැඩිමීර් පුටින් මෙම ප්‍රහාරය "ප්‍රධාන ප්‍රකෝප කිරීමක්"
ලෙස විස්තර කළ අතර "අපේ භූමියෙන් සතුරා පන්නා දමන ලෙස" රුසියානු හමුදාවන්ට
නියෝග කළේය.
බටහිර රුසියානු කලාපයෙන් ඔවුන්ගේ ආරක්ෂාව සඳහා වැඩි ජන සංඛ්‍යාවක් ඉවත් කර ඇති අතර තවත් 59,000 කට පිටව යන ලෙස දන්වා ඇත.
ප්‍රාදේශීය
ආණ්ඩුකාරවරයා පැවසුවේ ප්‍රදේශයේ ගම්මාන 28 ක් පමණ යුක්රේන හමුදා අතට පත්ව
ඇති බවත්, සිවිල් වැසියන් 12 දෙනෙකු මිය ගිය බවත්, "තත්වය තවමත් දුෂ්කර"
බවත් ය.
යුක්රේන හමුදා පසුගිය අඟහරුවාදා සිය විස්මිත ප්‍රහාරය දියත් කළ අතර, රුසියාව දෙසට සැතපුම් 18ක් (කිලෝමීටර් 30ක්) ඉදිරියට ගමන් කළහ.
මෙම
ප්‍රහාරය යුක්රේන පාර්ශ්වයේ චිත්ත ධෛර්යය ඉහළ නංවා ඇති බව කියනු ලැබේ,
නමුත් විශ්ලේෂකයින් පවසන්නේ මෙම උපාය යුක්රේනයට නැවුම් අනතුරු ගෙන එන බවයි.
