Saturday, November 23rd, 2024
පොහොට්ටුවේ සැබෑ සහය රනිල්ට
ආණ්ඩුව
නියෝජනය කරන කැබිනට් හා රාජ්‍ය අමාත්‍යවරුන් ඇතුළු මන්ත්‍රීවරුන් 30
දෙනෙකු පමණ පාර්ලිමේන්තුවේදී හිටපු ජනාධිපති මහින්ද රාජපක්ෂ මහතා හමුවී
විශේෂ සාකච්ඡාවක් පවත්වා තිබෙන බව දේශපාලන ආරංචි මාර්ග පවසයි. එහිදී
එම මන්ත්‍රීවරුන් පවසා ඇත්තේ ඉදිරි ජනාධිපතිවරණයේදී තමන් ඇතුළු පොදුජන
පෙරමුණේ පිරිසක් ජනාධිපති රනිල් වික්‍රමසිංහ මහතාට සහය දැක්වීමට තීරණය කර
ඇති බවයි.
පොහොට්ටුවේ සැබෑ සහය හිමිවන්නේ රනිල් හට බව
පැහැදිලිය. නමුත් ඒ සඳහා පොහොට්ටුව දෙකඩ විය යුතුය. එනම්, රනිල් පාර්ශවයට
යන පිරිසට පිරිසිදු විය හැක්කේ රට කෑ රාජපක්ෂ පවුලෙන් වෙන්වීමෙනි. දැන්
සිදුවෙමින් පවතින්නේ එයයි. ඒ අනුව රාජපක්ෂ පාර්ශවය ජාතිකවාදය කරපින්නා
ගනිමින් ජවිපෙ ඡන්ද කැඩීම සඳහා වෙනම ඉදිරිපත්වන විට ලිබරල්වාදය නියෝජනය
කරනා රනිල් වෙනුවෙන් ඉදිරිපත් වන කොටස රාජපක්ෂලාට එරෙහිව කරුණු දැක්වීමට
නියමිත වන්නේ රටගොඩගත හැකි, ලොව පිළිගත් නායකයා රනිල් බව පවසමිනි.
