2024 ජනාධිපතිවරණය සම්බන්ධයෙන් සෞඛ්‍ය ප්‍රතිපත්ති ආයතනය (IHP) ජුලි මාසය සඳහා සිය සමීක්ෂණ වාර්තාව නිකුත් කර තිබේ.

එම වාර්තාව අනුව ජාතික ජන බලවේගයේ අපේක්ෂක අනුර කුමාර දිසානායක මහතා 37% ක් සහ සමගි ජන බලවේගයේ අපේක්ෂක සජිත් ප්‍රේමදාස මහතා 36%ක් වශයෙන් ලබාගෙන කරට කර සටනක් සමගින් ඉදිරියෙන් සිටිති.

ස්වාධීන අපේක්ෂක රනිල් වික්‍රමසිංහ මහතාගේ ප්‍රතිශතය ද 23%ක් දක්වා වැඩි වී තිබේ.

ශ්‍රී ලංකා පොදුජන පෙරමුණේ අපේක්ෂකයාගේ ප්‍රතිශතය 4% කි.

ජුලි මාසය සඳහා වන සමීක්ෂණයේ දෝෂ ආන්තිකය 1 – 3% වශයෙන් සෞඛ්‍ය ප්‍රතිපත්ති ආයතනය සඳහන් කර ඇත.

කෙසේ වෙතත් IHP ආයතනයට පසුගිය දා චෝදනා එල්ල වී තිබුනේ එය ස්වාධීන නොවන බවත්, මාලිමා විරෝධී ආස්ථානයක සිට ව්‍යාජ වාර්තා ඉදිරිපත් කරන බවටත්ය.