භූතානයේ පැරණි වැඩෙන වනාන්තර ගෘහ භාණ්ඩ බවට පත් කළ හැකි විට කිසිවක් නොකර නිකරුනේ සිටීම ගැන ලෝක බැංකුව කලබල වී ඇත.

ලෝක බැංකු ආසියානු ශාකව ට්විටර් පණිවිඩයක් තබමින් මෙසේ පවසයි.

"භූතානයේ භූමි ප්‍රදේශයෙන් 71% ක් වනාන්තරයෙන් වැසී ඇති නමුත් වසරකට දළ දේශීය නිෂ්පාදිතයට එය ලබා දෙන්නේ 2% ක පමණ දායකත්වයකි. ඒ අනුව වනාන්තර ක්ෂේස්ත්‍රය ඌන උපයෝජිතව පවතී. රට සිය වනාන්තර සඳහා තිරසාර ලෙස ආයෝඡනය කරන්නේ කෙසේද?"

ඒ අනුව පෙනී යන්නේ භූතාන වන වැස්ම පිළිබඳව ලෝක බැංකුව කනස්සල්ලෙන් පසුවන බවය. පහතින් දැක්වෙනුය භූතානයේ වනාන්තර පිළිබඳව ඔවුන්ගේ සැලසුමට අදාලව බංග්ලාදේශය සහ භූතානය සඳහා ලෝක බැංකුවේ අධ්‍යක්ෂ වන මර්සි ටෙම්බන් විසින් ලෝක බැංකු වෙබ් අඩවිට ලියන ලද ලිපියකි.

භූතානයේ පාරිසරික නායකත්ව භූමිකාවට තර්ජනයක් නොවන අයුරින් වනාන්තර අංශය වඩාත් ඵලදායී වීමේ හැකියාව ඇත. භූතානයේ නිෂ්පාදන වනාන්තර සඳහා තිරසාර වනාන්තර කළමනාකරණ මූලධර්ම සම්පුර්ණයෙන්ම යෙදීම සහ එම අංශය නවීකරණය කිරීම මඟින් ඵලදායිතාව සැලකිය යුතු ලෙස ඉහළ නැංවීමට සහ පාරිසරික ඔරොත්තු දීමේ හැකියාව වැඩි දියුණු කිරීමට හැකි වේ.

එමඟින් රැකියා අවස්ථා ඉහළ නැංවීම, වනාන්තර පදනම් කරගත් ව්‍යවසායන් ඇති කිරීම සහ දැව සහ ලී නොවන වනාන්තර නිෂ්පාදන වෙළඳාම සඳහා වෙළඳපල පදනම් කරගත් ප්‍රවේශයකට යා හැකිය. “දැව හොඳ” බව වැඩි වැඩියෙන් මිනිසුන් හඳුනා ගනී - එහි සෞන්දර්යාත්මක වටිනාකම නිසා පමණක් නොව, වැඩෙන ගස් වාතයෙන් ඉවත් කළ කාබන් ගබඩා කිරීම ලී නිෂ්පාදන නිසා ද සිදු වේ. තාක්‍ෂණික දියුණුව සහ නවෝත්පාදනයන් ලොව පුරා විවිධ දැව භාවිතය සඳහා අවස්ථා විවෘත කරයි. උදාහරණයක් වශයෙන්, ලොව උසම ලී ගොඩනැගිල්ල වන නෝර්වේ, ඔස්ලෝ අසල පිහිටි මජාසා කුළුණ මහල් 18 ක් (මීටර් 85.4) ක් උස ය.

රාජකීය ආණ්ඩුවේ අරමුණු සාක්ෂාත් කර ගැනීම සඳහා වන විද්‍යා අංශය ඉතා වැදගත් වනු ඇති බව අප විසින් අවධාරණය කරන ලදී. කෘෂිකර්ම හා වනිතා අමාත්‍යය, ගරු ලියොන්පෝ යෙෂෙයි පෙන්ජෝර් අමාත්‍යතුමා හමුවීමට මෑතකදී මට අවස්ථාව ලැබුණි. එහිදී ඔහු මෙසේ ප්‍රකාශ කළේය.

"මේ වන විට, අපි භූතානයේ වැදගත්ම සංවර්ධන අභියෝග සහ අවස්ථා විශ්ලේෂණය කරමින් සිටින අතර අපේ රටේ අනාගත උපායමාර්ගය සහ ආයෝඡනය පදනම් කර ගනිමින් සිටින්නෙමු. ක්‍රමානුකූලව රට පිළිබඳව රෝග විනිශ්චය අවසන් කරමින් සිටිමු. වනාන්තර අංශය ආයෝඡන ක්ෂේත්‍රයක් විය හැකි අතර වනාන්තර සම්පත් තිරසාර ලෙස කළමනාකරණය කිරීමේදී අපට ගෝලීය පළපුරුද්දක් සහ යහපත් පුරුදු ඇති කළ හැකි බවට සැකයක් නැත."

Mercy Tembon

World Bank’s Country Director for Bangladesh and Bhutan