වසර දෙකකට ආසන්න කාලයක් රනිල් වික්‍රමසිංහ අනුප්‍රාප්තික ජනාධිපතිවරයා ලෙස පත්කරගෙන ඔහු හරහා නරුම නවලිබරල් ආර්ථික ප්‍රතිසංස්කරණ සිදුකිරීමට සම්පූර්ණ සහය දුන් පොහොට්ටුවට හදිසියේම වාමාංශික කඳවුර මතක් වී ඇත. ඒ හඬ නගන්නේ තරුණ නාමල් රාජපක්ෂය. ඔහු වාමාංශික බල කඳවුර වෙනුවෙන් පොහොට්‍ටුව වෙනුවෙන් වෙනම අපේක්ෂකයෙක් ඉදිරිපත් කලයුතු බවත් පොහොට්‍ටුව රනිල්ට සහයදීමෙන් වාමාංශීක කඳවුර දියවී යන බවත් පවසයි.
මේ වාමාංශික කිඹුල් කඳුලු, ප්‍රභූ පැලැන්තිය අතර කලින් කලට බලය හුවමාරු කරමින් කරගෙන ගිය වැඩ පිළිවෙල තවදුරටත් පවත්වා ගැනීමට මිනිසුන් රවට්ටන ඇස්බැන්ඳුමක් සඳහය.
රනිල් විරෝධී පොදුජන පෙරමුණු සාමාජිකයා තවදුරටත් පොහොට්ටුව කෙරෙහි රඳවා ගැනීමට පොහොට්ටුව දෙකට බෙදීම අවශ්‍යතාවයකි. එමෙන්ම රනිල් වෙත ලිබරල් මධ්‍යම පාංතික චන්ද ලඟා කරගැනීමට රාජපක්ෂවරුන්ගෙන් තොර පෙරෙමුණක් ගොඩ නැංවිය යුතුව ඇත.